Eejhtegh jïh åelieh

Mij Troll i ord?

Troll i ord lea dïrrege juktie gïeleskreejreminie barkedh maanagïertesne jïh dejnie nööremes daltesinie maanaskuvlesne. Dïrregh jïh barkoevuekieh leah maahtoeulmiej mietie Maanagïerten mieriesoejkesjisnie 2017 evtiesovveme. Troll i ord heamturh våaroeminie åtna. Lidteratuvrem nuhtjedh joekehts såarhts gïeleskreejremisnie lea vihkeles damtsvæhta Troll i ord-dïrregasse.

Dïhte digtitaale sisvege Troll i ord-dïrregisnie vielie goh 30 soptsestæjjagïelh åtna.

 

Mannasinie utnebe ietniengïele jïh gïeleldh gellievoete leah vihkeles maanagïertesne/skuvlesne?

Gïeleldh gellievoete lea vihkeles dovne indivijdese jïh siebriedahkese – jïh Troll i ord-dïrregisnie sïjhtebe dïrregem faalehtidh mij dam gïeleldh gellievoetem maanagïertesne jïh skuvlesne skreejrie jïh nænnoste.

Dah maanah mah ietniengïeledåarjoem maanagïertesne åadtjoeh buerebelaakan faagine bïerkenieh. Daate dan åvteste lea aelhkebe daajroem vejtiestidh aktene gïelesne maam hijvenlaakan haalvoe, jïh dan åvteste byöroe ietniengïelem lïerehtimmiegïeline nuhtjedh.

Gosse gïeleskreejremen bïjre dovne ietniengïelesne jïh mubpiengïelesne soptsestibie, mijjieh vihkeles daajroem  veedtjebe dovne nasjonaale jïh gaskenasjonaale dotkemistie.

Mijjieh aaj daejrebe lea aelhkebe orre gïelh lïeredh gosse hijven evtiedamme ietniengïelem åtna. Maahtoe dehtie aktede gïeleste sæjhta aevhkine sjïdtedh dan mubpien gïelese jis byjrese lea skreejrije.
Seammalaakan lïerehtimmie mubpiengïeleste sæjhta viesjies evtiedimmiem utnedh jallh goh vïerremes heerresovvedh, jis ietniengïelen maahtoeh leah nåakelaakan evtiesovveme.

 

Man åvteste datne goh eejhtege/åelie vihkeles vierhtie gïelelïerehtimmesne?

Eejhtegh/åelieh maehtieh joekoen vihkeles vierhtine årrodh juktie ietniengïelen maahtojde evtiedidh, ij goh unnemes vihkeles ïedtjem tjaelemegïelese nænnoestidh jïh bæjjese fulkedh.

Mijjen håhkoe lea dijjieh sïjhtede meatan årrodh Troll-i-ord-dïrregem goerehtidh jïh vihkelesvoetem lohkemistie dåarjoehtidh jïh lidteratuvren bïjre soptsestalledh.