Mij Troll i ord?
«Troll i ord» lea dïrrege gïeleskreejremasse maanagïertesne jïh skuvlesne. Dïrrege heamturh våaroeminie åtna jïh konkreeth jïh digitaale sisvegem iktede soptsestæjjagïeligujmie vielie goh 30 gïeline.
Viehkine Troll i ord-dïrregistie maanah edtjieh goerkesem åadtjodh sisvegem vaajestidh viehkine njaalmeldh soptsesistie, visualiseradimmeste jïh jeatjah soptsestimmievuekiejgumie. Dah lïerehtallemem åadtjodh goerehtidh jïh ussjedadtedh viehkine jïjtsh sisvegem sjugniedidh. Darjomh ovmessie barkoevuekide sjïehteledtieh jïh ovmessie lïerehtimmiestrategijide åtnose vaeltieh.
Lær meg norsk før skolestart
Gïeledotkije Margareth Sandvik jïh jienebh leah prosjekten duekesne Lær meg norsk før skolestart! Staarebieleste Bjerke Oslosne. Prosjekte aktem gïeleskreejremevuekiem jïh goerehtallemedïrregem illedahkine åådtjeme juktie maanagïertesne nuhtjedh. Vuekie vuesehte guktie maahta barkedh juktie hijven gïelebyjresem maanagïertesne sjugniedidh – gaajhkide maanide. Troll i ord daan prosjekten dååjrehtsh våaroeminie åtna.
Rammeplanen
Mieriesoejkesjen mietie maanagïerte edtja gaskesadtemem jïh gïelem eevtjedh. Mieriesoejkesje aaj jeahta maanagïerten barkijh edtjieh viehkiehtidh gïeleldh gellievoete akte ræjhkoesvoete sjædta abpe maanadåahkan, gelliengïeleldh maanah dåarjoehtidh sijjen ietniengïelem nuhtjedh jïh seamma tïjjen eadtjohkelaakan eevtjedh jïh evtiedidh maanaj nöörjen-/saemiengïeleldh maahtoem. Mieriesoejkesje 2017
Maanagïerte lea vihkeles ihke maanah edtjieh sijjen gïelemaahtoem evtiedidh, mejtie dej lea nöörjen jallh jeatjah gïele goh ietniengïele. Heamtureapph, konkreeth jïh lohkehtæjja-appe Troll i ord-dïrregisnie edtjieh maanagïertem viehkiehtidh gaskesadtemem jïh gïelem eevtjedh. Soptsestæjjagïelh mah leah jienebh goh 30 gïelh, jïh heamturh mah ovmessie bielijste veartenistie båetieh aktem gïeleldh gellievoetem maanagïertesne vuesiehtieh jïh aarvoem dïsse beaja.
Kuvsje jïh forume
Troll i ord – KUVSJE aajkojne åtna barkijidie jearsoes darjodh gïelebarkosne maanagïertesne jallh skuvlesne, jïh gååvnese goh app iPadese jïh iPhonese, jïh goh nedtekuvsje gaajhkide jeatjah nedtevåaroemidie.
Kuvsje lohkehtæjjese daajroem vadta guktie maahta barkoem Troll i ord-dïrreginie tjïrrehtidh maanagïertesne jallh skuvlesne. Viehkine kuvsjeste abpe barkijedåehkie seamma daajroem åådtje gïeledïrregen bïjre, jïh aktem guhkies barkoem gorrede gosse orre barkijh iktesth maehtieh seamma lïerehtimmiem åadtjodh viehkine appeste.
Kuvsjem tjoerh dongkedh jïh lea persovneles. Juktie abpe kuvsjem åadtjodh maanagïerte jallh skuvle maahta akten dåahkan dongkedh jïh tjïertestidh man gellie utnijh. Fïerhte utnije jïjtse utnijenommem jïh baahtsemebaakoem åådtje jïh kuvsjeprogresjovne jïh jeatjah sjïehtesjimmieh vöörhkesuvvieh jïh aktene utnijekontose.
Kuvsjen leah njieljie modulh; vïhtesjimmie, åvtebarkoe, tjïrrehtimmie jïh minngiebarkoe joekehts geatskanimmiejgujmie juktie baakoeveahkam jïh dïejvesegoerkesem vijriedidh. Kuvsje konkreete laavenjasside jïh vuesiehtimmide vuesehte, jïh aaj sjïehteladta guktie barkijh jïh maanah jïjtjh leah meatan bielieh sisvegistie sjugniedidh jïh orre darjomh dïsse lissiehtidh. Maahta guvvieh prosesseste jïh dorjemasseste aaj veedtjedh kuvsjese goh skraejrie jeatjah maanagïertide jïh skuvlide, jïh goh dokumentasjovne juktie eejhtegidie jallh mubpide vuesiehtidh. Appen tjïrrh lohkehtæjja maahta akten forumesuarkan baahtsedh gusnie maehtieh vuekiem jïh darjomh barkoevoelpigujmie jïh mubpiejgujmie digkiedidh.
Åtnoe heamturistie
Ovmessie såarhts gïeleskreejremh viedtedh åtnoen tjïrrh lidteratuvreste lea vihkeles væhta Troll i ord-dïrregasse. Doh tjïjhtje heamturh raajrosne leah joekehts aalkoste, jïh dïhte digitaale sisvege vielie goh 30 soptsestæjjagïelh åtna.
Troll i ord
- tjoejefijlh jïh laavenjassh gelline gïeline åtna
- lea gaajhkide maanide saaht maam ietniengïelide dej
- haasta lïerehtæmman abpe kråahpine
- lea evtiedamme laavenjostosne gïeledotkijinie
- Lær meg norsk før skolestart! våaroeminie åtna
- Lea aajne nöörjendorjeme stååkegaevnie/learoevierhtie mij Svanemerket åtna
Kontakt oss:
GROM as
Web: trolliord.no
E-mail: trolliord@grom.no
Trollkjelsvegen 26
5726 Vaksdal